اخطاء تربية الصباريات

اخطاء تربية الصباريات

اخطاء تربية الصباريات

 

السلام عليكم ورحمة الله وبركاته اهلا بحضراتك يارب تكونوا في افضل الاحوال

 

كلنا عندنا اعتقاد خاطئ عن الصباريات انها كلما ذادت درجة الحراره ذاد نمو هذه الصباريات لاننا فاكرين انها نباتات صحراويه.

 

 

اهلا بكم مره تانيه

 

طبعا بيوجد عدة اخطاء شائعه عند الهواة في تربية الصبارات او بعض الاخوة اللي اشترو صبارات وزرعوها في الحديقه او البلكونه وهذه الاخطاء ممكن تؤدي الي تدمير وموت معظم الصباريات.

 

يلا ببنا نتعرف مع بعض علي بعض الاخطاء الشائعه في تربية الصباريات.

 

 

اولا ميعاد زراعة الصبارات

 

طبعا كلنا عارفين ان افضل موعد لزراعة معظم انواع النباتات هوا اما الربيع او الخريف ودا لان درجة الحرارة في التوقيت ده بتكون معتدله ومناسبه لنقل اي نوع من النباتات وتدويره الي اصيص تاني او زراعته في الارض مباشرة دا معناه انه مش اي وقت ينفع انقل او ازرع فيه الصبار او اي نبات تاني لابد من اختيار الموعد المناسب

 

 

وتاني خطأ من الاخطاء اللي ممكن نوقع فيها  هو حجم الاصيص او المجور اللي حضرتك بتزرع فيه الصبار 

 

حضرتك ممكن تلاقي شتلة صبار صغيره جدا وحجم الاصيص كبير جدا ودا خطأ كبير جدا لابد ان يكون حجم الاصيص مناسب لحجم الصبار وده بيؤدي الي حدوث توازن في النمو الخضري والجزري للصبار 

 

 

حضرتك لو زرعت الصبار وكان حجمه صغير في اصيص حجمه كبير دا بيؤدي الي استمرار الصبار بهذا الحجم مش هايكبر بصوره كبيره لانه موجه كل طاقته للمجموع الجزري داخل الاصيص الكبير بحثا عن الميه والغذا علي حساب المجموع الخضري 

 

 

فلازم ناخد بالنا جدا من عملية التوازن بين حجم شتلة الصبار وحجم الاصيص اللي هانزرعه او هاندوره فيه .تمام أصدائنا الغاليين.تمام

 

 

ونيجي للخطأ التالت في تربية الصباريات وهوا التربه اللي بينزرع فيها الصباريات مش اي تربه وخلاص 

 

لابد انها تكون تربه متوازنه بين الرمل والطمي والبيرلايت ودا افضل خليط مناسب جدا لزراعة الصباريات خصوصا اذا كنت هاتزرع هذه الصباريات في اصص داخل البلكونه او الحديقه لانه بيقوم بتصريف مية الري الزايده عن حاجة الصبار بعد الري ودابيحافظ عليها من تعفن الجزور.

 

 

اما الخطأ الرابع او الاعتقاد الخاطئ وهوا ذيادة مية الري بالنسبه للصباريات وداخطأ كبير جدا زي ماحضراتكم عارفين وقولنا قبل كده كتير في حلقات سابقه ان التوازن في الري بالنسبه لكل النباتات هوا الحل الامثل للحصول علي نبات بصحه جيده 

 

يبقي لابد ان احنا مانرويش الصباريات الا بعد جفاف تربة الاصيص تماما علشان زيادة الري  عن اللزوم ممكن تؤدي الي تعفن جذور  هذه الصباريات.

 

ونوصل لاخر خطأ ممكن نقع فيه وهوا اعتقاد معظم الناس بان الصباريات هي نباتات صحراويه فابيعتقدوا ان الصباريات بتحتاج لدرجة حرارة عاليه وهذا خطأ كبير لان لو نلاحظ ان معظم الصباريات بتنموا في المنحدرات وعلي اطراف الجبال اي بالقرب من تواجد الميه وايضا بتنمو في احضان الصخور الكبيره بعيدا عن اشعة الشمس المباشرة.

 

فالامر السائد ان الصباريات بتتكيف علي معظم الظروف اللي بتتزرع فيها .

 

 

بس فيه ملاحظه اخيره حابب اني اقولها ليكم 

 

حضرتك لما تشتري شتلة صبار لابد انك تعمل عملية تدرج في تكييفها علي الظروف الجويه الجديده لان جو وظروف المشتل من مظلات ومتابعه باستمرار غير جو البيت او الحديقه  

 

 

اظن كده يكون عرضنا معظم المشاكل او الاخطاء اللي ممكن تقابل حضرتك في تربية الصبارات وعرفنا كمان ازاي نتفادى هذه الاخطاء .  

أعجبك المقال , قم بالان بالاشتراك في النشرة البريدية للتوصل بالمزيد

    التعليقات

    عن الناشر

    مقالات حالية

    تقنية

    The first car manufactured throughout history