ازاي تكون مثقف ؟

ازاي تكون مثقف ؟

 

سالنا نفسنا قبل كده مصطلح الثقافه ده اصلا معناه ايه اختلفوا كتير ف المعاني وكل واحد بيقول من وجهة نظره بس ف الغالب ان الشخص المثقف هو اللي بيكون عنده معرفه كبيرة بحجات كتير خارجه عن مجاله يعني مثلا بيفهم ف مجالات كتير وعنده خبره بردو ف الحياة ( بيقدر يتصرف صح دايما بيرجعوله ف معظم اموره وبيثقوا ف كلامه وف قراراته واختياراته ) ودا مش دايما صح لان معروف ان الانسان بيغلط عادي احنا مش ملايكه فغلط ان الانسان يحط ثقه كبيرة اوي كدا ف شخص بحجة انه انسان مثقف واكيد فاهم وعمره ما يغلط او يعمل تصرف مش كويس ودا بيسبب مشاكل كتير ومصايب اكبر بعد كدا.  

نيجي بردو لمفهوم الثقافه يعني اي بالظبط اي المطلوب من الشخص انه يعمله عشان يكون يستحق لقب مثقف الحقيقه محدش عنده اجابه صحيحه ودقيقه للسؤال دا وهتفضل مجرد آراء ووجهات نظر .

ازاي الشخص يثقف نفسه ؟ بالكتب بس مثلا زي ما الاغلبيه فاهمين ؟ تمام احنا منقدرش ننكر فضل الكتب وأهميتها وكم المعلومات اللي بناخدها منها في مختلف المجالات في التاريخ والصحه والجمال في السياسه في البلاد اللي حوالينا بنتعرف علي ثقافتهم مثلا وعاداتهم بنتعرف علي اماكن جديده ولغات جديده فيه كتب ثقافيه وعلميه فيه روايات خياليه بتساعدنا جدا علي توسيع خيالنا حتي المواقف اللي في الروايات والحياة بتاعت الشخصيات اللي فيه ناس كتير مقتنعه انها مجرد تضييع وقت وملهاش أي فايده بالعكس دي مفيدة جدا بتوعينا علي الدنيا وفكرة اننا بنقابل مواقف مختلفه ونشوف تصرفات الشخص دا والشخص دا فيها دا بيكسبنا خبره كبيرة بيوعينا فعلا طبعا زي ما فيه كتب عظيمه فيه كتب سيئة جدا ومضره بس بردو حتي الكتب الوحشه بنطلع منها ع الاقل بفايده واحده او بمعلومه جديدة تمام كدا اعتقد اننا متفقين علي اهمية الكتب وانها بتفهمنا حجات كتير واننا بنكتسب منها خبرات ومعلومات وبنستفيد كتير بس ياتري هل الكتب بس هي الحاجه الوحيده اللي بتخلي الانسان مثقف ؟؟؟؟

اكيد لا فيه حجات تانيه كتير ممكن تخلي الانسان مثقف او بلاش نقول مثقف خلينا نشيل كلمة مثقف دي خالص من قاموسنا احنا ممكن نطلق ع الشخص دا اسم تاني ممكن نسميه بدل شخص مثقف يكون شخص واعي مثلا ايه رأيكم ؟ طب شخص ناضج ؟ طب شخص ذكي ؟ ولا مصممين ع كلمة مثقف ؟ 

ممكن الانسان يكتسب نفس الحجات اللي قولنا عليها في الكتب من خلال مشاهدته للافلام والمسلسلات لبلاد مختلفه وبلغات مختلفه وبالتالي هتكون ثقافات مختلفه .. ممكن انه يكون شخص اجتماعي دا شيء مفيد ليه جدا دا هيخليه يقابل ناس كتير مختلفه باعمار مختلفه وتفكير مختلف وهكذا عقليات وتصرفات وثقافات مختلفه ودا بردو هيخليه يقابل مواقف كتير ويتعامل مع ناس مختلفه كتير يكتسب منهم الخبرات وقيس بقا علي دا حجات كتير  .

الانسان المثقف حقيقي مش بيوصل للقب دا وبيكون بيستحقه بسهوله الثقافه دي نتيجة لتراكمات الانسان ميقدرش يكون ف يوم كدا ولا اسبوع ولا شهر مثقف لا دي بتحصل علي مر سنين كتيرة جدا جدا وعشان كدا مينفعش شخص يجي فجأه ويقول انا عايز اكون مثقف لإن دا مستحيييييييل .

أعجبك المقال , قم بالان بالاشتراك في النشرة البريدية للتوصل بالمزيد

    التعليقات

    عن الناشر

    مقالات حالية

    تقنية

    The first car manufactured throughout history