الساحل السوري ،،ضيعة ضيعة

الساحل السوري ،،ضيعة ضيعة

احبائي:

مافي احلا من ساحلنا السوري بكل ضيعة و بكل جبل و بكل وادي وكل نبع و عين و اطيب ناس و احلا صبايا وكمان رح نشوف صور كتير  عن كل ضيعة وكل مكان مميز و حتى المواقع السياحية يلي بتجنن وهي كتيرة ،،،عنجد و بدون مبالغة مافي احلا من ساحلنا و جبالنا و ضيعنا ،،رح نحكي عن الزراعة بك ضيعة بالمقالات الجاي وانشالله اقدر وصل لكل واحد بحب و بيعشق هل رقعة الجغرافيةالحلوة من بلدنا الحبيب ... اليوم رح نحكي عن ضيعة حلوة كتير واطلالتا عالبحر و الساحل بتجنن وهيي دوير بعبدة 

دوير بعبدة ضيعة جبلية بترتفع حوالي 700 متر عن سطح البحر وهواها برد الروح و فيها احلا ناس و اطيب قلب و احلا صبايا و شبابا دائما بالمركز الاول بأي شي (دراسة،، عمل ،،الخ)وفيها صرح كبير كتير بقلبنا و مستحيل يكون في حدا من الضيعة و الضيع يلي حوالينا و ما إلو ذكريات حلوة كتير كتير وهاد الصرح إلو فضل كتير كبير لكتير ناس من الضيعة و خارجها وهاد الصرح هوي (مدرسة الشهيد فايز كرداوغلي) مدرستنا الكبيرة و القديمة و الغالية عقلوبنا اكيد مستحيل حدا ينساها و ينسى احلا ايام عشناها جوات هاد السور مع احلا شباب و احلا صبايا و احلا معلمين و اساتذة ،،عنجد كل ما بتذكر ايام المدرسة بحن الها و بتمنى ارجع  ادرس فيها لان كانت احلا ايام ،،مدرستنا كلها حب و حنية و علم ،،، اما عن الزراعة بضيعتنا الحلوة ،،اولا الدخان ،،مافي اطيب من دخان الدوير و شو بدي احكي عن منظر الاراضي و هيي خضرا بكون اغلب الناس بالاراضي عم يشتغلو بالدخانات و يا تعبي من شغل الدخان وشو بدي احكيلكن عن طريق العشاق (طريق بيت الحجي) احلا تمشاي واحلا مشوار عالطريق واحلا مناظر كمان ولا ساحة المرجة بحفلاتا ،،،ولا الحارة التحتاني ولا بيت الفاخوري ،،شو بدي احكي لأحكي مافي حكي بيوصف جمال هل الضيعة او حنيتا عنجد دوير بعبدة كلوة كتير بتمنى هل الكلام الطالع من القلب يوصل للقلب 

أعجبك المقال , قم بالان بالاشتراك في النشرة البريدية للتوصل بالمزيد

    التعليقات

    عن الناشر

    مقالات حالية

    تقنية

    The first car manufactured throughout history