لعبة الفلوس السهلة

الفلوس تعتبر دلوقتي اهم حاجة في حياتنا وبالنسبة للبعض اصعب حاجة وبالنسبة لناس قليلين سهلة اوووي وكله اكيد بالحلال 

اولا اللي اتزرع جوانا من ناحية إن الفلوس نقمة من نعمة هيا معتقدات كلها خطأ عشان نبطل ندور عليها او عشان نبرر لنفسنا احساسنا بالفقر زي ناس كتير اعرفهم بيقولو ان الفقراء هيدخلوا الجنة بس اللي اكتشفته ان في فقراء كتير هيروحو النار عادي عشان عمايلهم كانت مش حلوة بسبب الفقر او بسبب قلة الحيلة اللي انتحر .. واللي سرق .. واللي .... كتير بقى احوال .

لكن يظل السؤال هل فعلا الاغنياء هيروحو النار ؟!! هل الأنياء وحشين ؟!! هل الأغنياء حرامية ؟!! ليه كل ما الواحد يتكلم على الأغنياء تلاقي كلامهم انهم ناس مش كويسة .

هنا اقولكم السبب ، المعتقدات المزروعة جوانا من الطفولة (بدون قصد طبعا) من أهلنا دايما بتبقى السبب في احوالنا دي وافكارنا الغلط دي .

طيب يلا بينا اقولكم أول خطوة عشان نبتدي الغنى السهل الحلال السريع 
1- قول من اللحظة دي انا بحب كل الأغنياء وبدعي ربنا انه يبارك لهم في كل أموالهم (طاقة البركة هيا أعلى ذبذبات الكون اللي بتخلينا نوصل بسرعة الصاروخ لأهدافنا) 

2- أنا ممتن / ة لكل الأثرياء والمليونيرات والمليارديرات في الكون لاستمتاعهم بالمال ولوجودهم في الحياه 

3- كل يوم الصبح هتقول (أنا اشبك مع طاقة الأغنياء والأثرياء السعداء بكل حب وسعادة )

4- هتمشي في يومك ولو 100 متر اقل حاجة ولو حتى جوا بيتك وتنوي إن المشي ده هوا سعيك ناحية المال (انما الأعمال بالنيات وانما لكل امرئ ما نوى)

5- النظافة والطهارة هيا اساس جذب المال نظف مكانك دايما وخليه مرتب من غير اي كركبة (الفنادق السبع نجوم دايما نظيفة مرتبة جميلة مفهاش أي تراب ) كل ما كان مكانك اللي بتعيش فيه زي بيتك وشغلك اي مكان بتتواجد فيه نظيف ومرتب كل ما الفلوس انجذبت ليك أكتر 

6- كل ما تشوف حد غني بارك ليه على نعم ربنا وتخيل حبل شفاف لونه اخضر ربط بينك وبين النعمة دي ( بلاش تربط مع أشخاص أربط مع اهدافك زي عربية - فيلا - شركة - أرض - كافيه ...إلخ) وقول أشبك الآن مع ذبذبة أمتلاكي كذا وانت مبتسم لان الابتسامة والضحك بيجذب ليك الأموال بسرعة 

7- استغفر في اليوم 1973 مرة بصيغة (أستغفر الله) مفعولها رهيب مع الخطوات اللي فاتت دي ( أيا كانت ديانتك كلنا مؤمنين بوجود ربنا )

8- طبق الخطوات دي لمدة 21 يوم وهتحس بالفرق قبل كده بكتيييييير لكن 21 يوم هوا الأساس للبناء من الصفر 

 

أعجبك المقال , قم بالان بالاشتراك في النشرة البريدية للتوصل بالمزيد

    التعليقات

    عن الناشر

    laila Adham

    معالج بالطاقة وكوتش لايف وباحث في علوم الباراسايكولوجي

    مقالات حالية

    تقنية

    The first car manufactured throughout history